Met sett í framleiðslu á raforku

Raforkuvinnsla hjá Landsvirkjun gekk afar vel á síðasta ári. Vinnslumet voru sett í Fljótsdalsstöð, Sigöldustöð, Búðarhálsstöð, Sultartangastöð og Steingrímsstöð við Sog, sem tekin var í notkun árið 1959.

„Helsta skýringin á þessu er aukið álag (aukin sala) og þar með aukin nýting vinnslukerfisins. Auk þess hefur vatnsbúskapurinn á sama tíma verið hagstæður,“ segir Einar Mathiesen, framkvæmdastjóri orkusviðs Landsvirkjunar, í fréttaskýringu í Morgunblaðinu í dag.