„Þetta er góður og rólegur strákur“

„Mér skilst að bílstjórinn hafi verið miður sín og að þetta hafi komið á óvart. Þetta er góður og rólegur strákur,“ segir Guðmundur Heiðar Helguson, upplýsingafulltrúi Strætó. Strætóbílstjóri var handtekinn síðdegis í gær fyrir að hafa ráðist á pilt.

Guðmundur Páll Jónsson, lögreglufulltrúi á höfuðborgarsvæðinu, segir að maðurinn hafi verið látinn laus eftir skýrslutöku í gærkvöldi. Hann segir að málið liggi nokkuð ljóst fyrir en bílstjórinn, sem ók leið 14, fór út úr vagninum og réðst að pilti.

Frétt af mbl.is

Grunaður um að hafa ráðist á barn

Maðurinn verður væntanlega ákærður fyrir líkamsárás og Guðmundi skilst að foreldrar piltsins leggi fram kæru eftir helgi.

Guðmundur Heiðar segir að bílstjórinn muni ekkert keyra á meðan málið er rannsakað. „Hann hljóp út úr bílnum eftir að krakkar hentu klaka í framrúðuna, missti stjórn á sér og greip í pilt.“

• 2 blogg um fréttina

Bloggað um fréttina

• Heimir Lárusson Fjeldsted: Ekki að furða að börn séu ólæs
• Kolbrún Hilmars: Dýrkeypt að verja almannaeigur?