2 milljóna króna bótakrafa í máli Houssin
Setja bókamerki
Bótakrafa að fjárhæð 2 milljóna króna liggur fyrir í máli Houssin Bsraoi sem varð fyrir alvarlegri líkamsárás í íþróttahúsinu á Litla-Hrauni í janúar. Lilja Margrét Olsen, réttargæslumaður hans, telur ólíklegt að túlkur hafi verið viðstaddur við þegar honum var vísað úr landi á þriðjudaginn.
Lykilvitni sem árásarþoli
Lilja sagði í viðtali í kvöldfréttum Rúv að hér sé mál í gangi í kerfinu þar sem Houssin, sem kom hingað sem hælisleitandi, sé lykilvitni sem árásarþoli. Samkvæmt sakamálalögum verði hann að vera staddur hér á dómþingi til þess að bera vitni í málinu.
Kom ekki allt fram í lögregluskýrslunni
„Lögregluskýrsla hefur aldrei sama sönnunargildi í sakarmáli eins og ef vitni mætir fyrir framan dómara og lýsir atburðum,“ segir Lilja í samtali við mbl.is og bendir á að það sé því mikilvægt að Houssin fái tækifæri til þess. Ekki síst vegna þess að hún segir ekki allt hafa komið fram í þeirri skýrslu sem tekin var af honum.
En að sögn Lilju liggur fyrir bótakrafa í málinum fyrir hann að fjárhæð 2 milljónir króna. „Við lítum mjög alvarlegum augum á þessa líkamsárás. Þetta var gróf og alvarleg árás,“ sagði Elís Kjartansson, lögreglufulltrúi hjá lögreglunni á Suðurlandi, í samtali við mbl.is þegar málið kom upp.
Telur ólíklegt að hann hafi skilið hvað var í gangi
Í tilkynningu frá Útlendingastofnun segir að Houssin hafi verið boðið að haft yrði samband við verjanda hans eða aðra þegar hann var upplýstur um ferðaáætlunina, en hann hafi ekki óskað eftir að haft yrði samband við neinn fyrir sína hönd. „Hann hafði aðgang að síma til að geta sjálfur haft samband við þá sem hann vildi,“ segir í tilkynningu stofnunarinnar.
Lilja telur hins vegar afar ólíklegt að skjólstæðingur hennar hafi áttað sig á því hvað stæði til þar sem hvorugur þeirra aðila sem túlkað hafa fyrir hann hingað til var viðstaddur brottflutninginn.
Aðspurð segist Lilja ekki hafa náð tali af skjólstæðingi sínum eftir að hann var fluttur úr landi.
Hrikalegt að heyra fréttirnar
Lát hjóna í Neskaupstað: Ákæra gefin út
Ók á hóp fólks á jólamarkaði: Einn látinn
Var engin kristnitaka árið 1000?
„Mér finnst gamla Samfylkingin komin aftur“
Alvarleg netárás á Wise
