Telur sig njóta stuðnings meirihluta
Jóhann Ólafsson
Setja bókamerki
„Ég geng út frá því að ég njóti stuðnings þingsins,“ segir Sigríður Á. Andersen dómsmálaráðherra en Píratar og Samfylkingin lögðu seint í gærkvöldi fram vantrauststillögu gegn henni.
Óvíst er hvenær tillagan verður tekin fyrir á þingi en Steingrímur J. Sigfússon þingforseti sagði í samtali við mbl.is í morgun að tillagan yrði tekin fyrir „eins fljótt og aðstæður leyfa“.
Sigríður sagðist fagna því að hennar störf yrðu rædd. Ríkið var í desember dæmt til að greiða tveimur dómurum miskabætur eftir að Sigríður vék frá niðurstöðum hæfnisnefndar varðandi fjóra umsækjendur og voru dómararnir, Ástráður Haraldsson og Jóhannes Rúnar Jóhannsson, ekki á meðal þeirra sem lagt var til að yrðu skipaðir.
Sigríður sagði að það væri full dramatískt að tala um tillöguna sem áfall en þetta væri henni þó ekki léttvægt.
„Það á ekki að vera léttvæg ákvörðun að leggja fram vantrauststillögu, hvort sem það er á ríkisstjórn eða ráðherra. Málsmeðferðin er ekki léttvæg þannig að það verður fjallað um tillöguna af alvöru, sama hver á í hlut sem ber hana fram. Menn verða að taka því,“ sagði Sigríður en hún telur sig njóta stuðnings meirihluta á þingi.
„Sá vegur er bæði háll og myrkur“
Vika í kosningar: Þetta segja kannanir
77 ár á milli þess elsta og yngsta
Dregið úr gosóróa
50 milljónir eiga að minnka svindl um 1 milljarð
„Við höldum áfram þangað til við erum búin“
Í kappi við tímann að reyna að afstýra verkfalli