Sá sem olli slysinu ók á röngum vegarhelmingi

Allt bendir til þess að öðrum bílnum hafi verið ekið á röngum vegarhelmingi, segir Oddur Árnason yfirlögregluþjónn á Suðurlandi, varðandi alvarlegt umferðarslys á Suðurlandsvegi síðdegis í gær. Þrír voru fluttir alvarlega slasaðir á Landspítalann. 

Frétt af mbl.is

Þrír fluttir með þyrlu á sjúkrahús

Svo heppilega vildi til að næsti bíll við slysið var lögreglubíll. „Já, hann veitti þessu fyrstur athygli. Það flýtti fyrir öllu viðbragði að hafa fagmann á vettvangi sem gat metið hver þörfin var,“ segir Oddur.

Frétt af mbl.is

Opnað fyrir umferð að nýju

Suðurlandsvegur var lokaður í rúma fjóra klukkutíma við Iðjuvelli í kjölfar slyssins meðan unnið var að rannsókn þess og bílarnir tveir fjarlægðir. Ekki var unnt að aka um neina hjáleið og því mynduðust nokkurra kílómetra langar biðraðir. Lögregla stýrði umferð fyrst um sinn eftir að vegurinn var opnaður, til að greiða úr flækjunum.

Fimm hafa látist í umferðarslysum það sem af er ári og reglulega er greint frá alvarlegum slysum. Alls létust 16 í 13 banaslysum í umferðinni í fyrra en alvarleg umferðarslys voru 156 það árið, samkvæmt tölum Umferðarstofu. 189 slösuðust alvarlega í umferðinni.

Frétt af mbl.is

Alvarlegt slys við Kirkjubæjarklaustur