Fjöldi fólks kom saman við Hallgrímskirkju í hádeginu í dag til að styðja íbúa Afrín-héraðs í Sýrlandi. Einnig þrýsta mótmælendur á íslensk stjórnvöld að fordæma innrás Tyrklandshers inn í héraðið.

Mótmælendur söfnuðust saman við Hallgrímskirkju, þaðan sem þeir gengu fylktu liði niður á Austurvöll þar sem mótmæladagskrá fer fram en samtökin No Borders á Íslandi standa fyrir mótmælunum.

Fjöldi fólks kom saman við Hallgrímskirkju. mbl.is/Eggert

Eins og greint var frá í morgun hafa meira en 150 þúsund íbúar Afrín-borgar flúið í vikunni en tyrkneski herinn er við það að ná völdum á borginni. Ellefu almennir borgarar féllu í loftárás Tyrkja á úthverfi Afrin í morgun en fólkið var að reyna að flýja borgina.

Tyrk­neski her­inn hef­ur þegar náð yf­ir­ráðum yfir mörg­um bæj­um og þorp­um í Afr­in-héraði en þar barðist Hauk­ur Hilm­ars­son við hlið Varn­ar­sveita Kúrda (YPG) og er sagður hafa fallið í árás Tyrkja þann 24. fe­brú­ar. 

Skilaboðin eru skýr. mbl.is/Eggert

„Íslenska ríkið er í hernaðarbandalagi með Tyrkjum og enn hafa íslensk stjórnvöld ekki fordæmt innrásina,“ segir í viðburði vegna mótmælanna á Facebook. 

„Sem meðlimir í NATO berum við líka ábyrgð á morðum á saklausum borgurum í Afrin og þeim sem hafa tekið að sér að verja þá. Við mótmælum þessari þögn stjórnvalda og fordæmum innrás Tyrkja inn í héraðið!“

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: NATO var stofnað til að verjast árásum á aðildarþjóðirnar.