Eyþór Arnalds, borgarstjóraefni Sjálfstæðisflokksins í Reykjavík, segir að öfugt við það sem Dagur B. Eggertsson, borgarstjóri Reykjavíkur, haldi fram þá muni uppbygging í landi Keldna létta á umferð þar sem fólk geti þá sótt vinnu í auknum mæli í austurhluta borgarinanr í stað þess að vera stopp í umferð í Ártúnsbrekkunni.

Eyþór kynnti hugmyndir framboðsins á íbúafundi í Grafarvogi í gær og sagðist hann vilja færa stofnanir og atvinnutækifæri í Keldur með uppbyggingu þar. Dagur svaraði þessum hugmyndum Eyþórs í morgun í færslu á Facebook og sagði hugmyndirnar galnar og óraunsæjar nema með uppbyggingu borgarlínu sem Eyþór hefði verið mótfallinn.

Frétt af mbl.is

Segir hugmyndir Eyþórs galnar

Segir Eyþór að bæði sé hagkvæmara að byggja í landi Keldna en á þéttingarreitum sem núverandi meirihluti hafi lagt áherslu á. Þá segir hann að uppbygging í landi Keldna muni efla Grafarvoginn. Þá segir hann ekki rétt að borgarlína sé nauðsynleg uppbyggingu þar. „Öfugt við það sem Dagur heldur fram mun þetta létta á umferð þar sem fólk getur þá sótt vinnu í austurhluta Reykjavíkur í stað þess að allir séu fastir í Ártúnsbrekkunni eins og nú er.“

Tengdar fréttir

Sveitarstjórnarkosningar 2018

„Umtalsverðir annmarkar“ á kosningunum

• Styrkja flokkana um 13,3 milljónir
• Finnur Yngvi ráðinn í Eyjafjarðarsveit
• Ráðinn bæjarstjóri Ísafjarðarbæjar
• Aðalheiður ráðin bæjarstjóri á Seyðisfirði

» Fleiri tengdar fréttir

• 1 blogg um fréttina

Bloggað um fréttina

• Gústaf Adolf Skúlason: Léttum á borgarbúum