Utanríkismálanefnd fundar vegna loftárása
Setja bókamerki
Utanríkismálanefnd Alþingis kemur saman kl. 20:00 í kvöld til þess að ræða loftárásir Bandaríkjamanna, Breta og Frakka í Sýrlandi.
„Utanríkisráðherra óskaði eftir að hitta nefndina og það kom líka ósk um fund í nefndinni vegna árásanna í Sýrlandi. Utanríkisráðherra er að fara erlendis í fyrramálið þannig að okkur þótti betra að klára fundinn í dag í staðinn fyrir að bíða með hann þar til seinna í vikunni,“ segir Áslaug Arna Sigurbjörnsdóttir formaður utanríkismálanefndar.
Áslaug Arna segir að til standi að ræða afstöðu Íslands á fundi NATO í gær, en í sameiginlegri yfirlýsingu NATO-ríkja frá því í gær segir að öll aðildarríki Atlantshafsbandalagsins styðji aðgerðir Bandaríkjamanna, Frakka og Breta í Sýrlandi heilshugar.
„Utanríkisráðherra er að koma til að upplýsa okkur um afstöðu Íslands á fundi NATO,“ segir Áslaug.
„Við vöknuðum við hljóð frá sprengingum“
Fæðuöryggi: „Áttum mat í þrjár vikur“
Hvatti kjósendur til þess að greiða ógild atkvæði
Ekki hægt að slá gosið út af borðinu strax
Koma fyrstu tölur á sunnudagskvöldið?
Formaðurinn útilokar ekki undirritun í kvöld