Sænskur lögreglumaður ráðleggur sænskum borgurum að hringja í lögregluna sjái þeir til íslenska strokufangans Sindra Þórs Stefánssonar og minnir jafnframt á að almenningur hafi rétt til þess samkvæmt sænskum lögum að handsama eftirlýsta menn. Þetta kemur fram á sænska vefmiðlinum Nyheter 24.

Lögreglumaðurinn, sem heitir Kjell Lindgren og starfar í Stokkhólmi, vildi ekki tjá sig við miðilinn að öðru leyti um rannsókn málsins, þar sem það er rannsakað af alþjóðadeild sænsku lögreglunnar.

Frétt af mbl.is

Greiddi miðann með eigin korti

Alþjóðleg handtökuskipun hefur verið gefin út á hendur Sindra Þór, sem slapp út um glugga á opna fangelsinu Sogni í Ölfusi og náði að koma sér í morgunflug Icelandair frá Keflavík til Arlanda-flugvallar í Stokkhólmi.

Strok Sindra Þórs hefur vakið mikla athygli víða um heim, enda ekki á hverjum degi sem strokufangar komast með áætlunarflugi til annarra landa.

Frétt af mbl.is

Flétta í máli án hliðstæðu

Nýjustu fregnir af rannsókn málsins herma að ekki hafi spurst til ferða Sindra Þórs síðan hann lenti á flugvellinum í Stokkhólmi í um hádegisbil í gær. Lögregla telur nokkuð öruggt að Sindri hafi notið aðstoðar við flóttann.

Tengdar fréttir

Fangi flúði Sogn

„Algjör fásinna af hálfu ákæruvaldsins“

• Úrskurðaðir í átta vikna farbann
• Þrír áfram í farbanni
• Ákæra gegn Sindra gefin út
• Farbann framlengt og ákæra undirbúin

» Fleiri tengdar fréttir

• 1 blogg um fréttina

Bloggað um fréttina

• Halldór Egill Guðnason: Betri gangur í að koma þeim út, en inn.