Dagur og Eyþór á Þingvöllum

Eyþór Arnalds, oddviti Sjálfstæðisflokksins í Reykjavík, og Dagur B. Eggertsson borgarstjóri verða gestir Bjartar Ólafsdóttur í þjóðmálaþættinum Þingvelli á K100 í fyrramálið.

„Þátturinn á morgun verður eðlilega um borgarmálin,“ segir Björt, en fjórar vikur eru þar til gengið verður til sveitarstjórnarkosninga.

Fjárhagsstaða borgarinnar, umhverfismál og skólamál verða meðal annars tekin til umræðu sem og ánægja borgarbúa eftir hverfum. Þá verður einnig rýnt í skoðanakannanir um fylgi flokkanna, en meiri­hluti Sam­fylk­ing­ar, Pírata og Vinstri grænna held­ur naum­lega velli ef marka má niður­stöður nýjustu skoðana­könn­un­ar Fé­lags­vís­inda­stofn­un­ar Há­skóla Íslands, sem unn­in var fyr­ir Morg­un­blaðið.

Frétt af mbl.is

Meirihlutinn heldur naumlega velli

Til stendur að fá oddvita fleiri flokka sem bjóða fram í borginni í vor, en Björt segir að það skýrist á næstu dögum. Páll Magnús­son, þingmaður Sjálf­stæðis­flokks­ins, sér um þáttastjórn á móti Björt.

Þingvellir er á dagskrá alla sunnu­daga klukkan 10 á K100 og eru póli­tík og mál­efni líðandi stund­ar í for­grunni í þætt­in­um.

• 1 blogg um fréttina

Bloggað um fréttina

• Kristbjörn Árnason: Erfiðir dagar hjá Sjálfstæðisflokki og hækjum hans.