Pínulítill fjölmiðill varðist til enda

„Ég er hæstánægður með Hæstarétt,“ segir Sigmundur Ernir Rúnarsson, ritstjóri Hringbrautar, en Hæstiréttur sýknaði hann í dag í meiðyrðamáli sem Guðmundur Spartakus Ómarsson höfðaði gegn honum vegna ummæla sem birtust í frétt á Hringbraut í janúar 2016. Hæstiréttur staðfesti þar með fyrri dóm Héraðsdóms Reykjavíkur í málinu.

Frétt af mbl.is

Sigmundur sýknaður í Hæstarétti

„Ég trúði aldrei öðru en að málið færi á þennan veg, enda erum einfaldlega bara að vitna í annan fjölmiðil sem hélt innihaldinu fram. Ég skildi í raun aldrei þennan málatilbúnað af hálfu kærandans,“ segir Sigmundur en umrædd frétt var byggð á fréttaflutningi RÚV og það tekið þrívegis fram. Þá var í eitt skipti vísað til annars innlends fjölmiðils og tvisvar til erlendra fjölmiðla.

Frétt af mbl.is

Greiða Guðmundi tvær og hálfa milljón

Sigmundur segir niðurstöðuna einnig ákveðinn sigur fyrir fjölmiðlana sem slíka. „Ég vek líka athygli á því að við sem pínulítill fjölmiðill ákváðum að fara þessa leið og verjast til enda, en ekki gera einhverjar málamiðlanir á leiðinni eins og aðrir og stærri miðlar hafa reynt,“ segir hann jafnframt og vísar þar meðal annars til þess að RÚV gerði samkomulag um málalok vegna málshöfðunar Guðmundar á hendur RÚV, þremur fréttamönnum og útvarpsstjóra.

Guðmundur krafðist 10 milljóna króna en samið var um að RÚV greiddi honum 2,5 milljónir í málskostnað og miskabætur.

• 1 blogg um fréttina

Bloggað um fréttina

• Páll Vilhjálmsson: RÚV keypti sig frá málshöfðun með skattpeningum