Lýsir áhyggjum vegna ákvörðunar Trumps
Setja bókamerki
Guðlaugur Þór Þórðarson utanríkisráðherra lýsir yfir áhyggjum sínum af ákvörðun Donalds Trump, forseta Bandaríkjanna, að draga land sitt út úr kjarnorkusamkomulaginu við Íran.
Þetta kemur fram á Twitter-síðu Guðlaugs Þórs. Hann áréttar ennfremur að ísland styðji allar diplómatískar tilraunir til þess að viðhalda samkomulaginu.
Kjarnorkusamkomulagið við Íran var undirritað árið 2015 og felur í sér að dregið er úr refsiaðgerðum gegn Íran gegn því að þarlend stjórnvöld hætti tilraunum til þess að koma sér upp kjarnavopnum tímabundið.
Trump hefur ítrekað gagnrýnt kjarnorkusamkomulagið sem undirritað var af forvera hans í embætti, Barack Obama, og lýst yfir vilja sínum til þess að rifta því. Leiðtogar Evrópuríkja hafa hins vegar lagt áherslu á mikilvægi þess að viðhalda því.
Hraun kemur úr þremur gígum: Virknin stöðug
Hópur fólks reyndi að komast að eldgosinu
/frimg/1/53/8/1530849.jpg)
Fatlaður drengur fær ekki þjónustu í verkfalli
Þarf að koma til móts við ólíkar þarfir lækna
„Höfum sloppið bærilega með skaða af þessu gosi“
Nýtt fangelsi í landi Stóra-Hrauns tilbúið 2028