Myndir: Ólýsanleg stemning í Rússlandi

Eft­ir rúm­lega klukku­tíma verður Ísland fá­menn­asta land í heimi til þess að spila á heims­meist­ara­mót­inu í knatt­spyrnu. Frum­raun liðsins verður ekki á móti ómerk­ara landsliði en liði Arg­entínu með Li­o­nel Messi í far­ar­broddi sem er af mörg­um álit­inn besti knatt­spyrnumaður sam­tím­ans og jafn­vel frá upp­hafi.

Meðfylgj­andi mynd­skeið tók Bjarni Páll Jak­obs­son á vell­in­um í Moskvu.

Íslensku stuðnings­menn­irn­ir komu sam­an í Zarya­dye-garðinum í Moskvu í morg­un og sungu þar og skemmtu sér sam­an. Bræðurn­ir Jón Jóns­son og Frikki Dór tróðu meðal ann­ars upp og Tólf­an stýrði stuðnings­söngv­um. 

Stuðnings­menn­irn­ir eru núna á leiðinni á völl­inn þar sem leik­ur­inn hefst eft­ir einn og hálf­an tíma. Veðuraðstæður eru góðar í Moskvu, um 22 gráður og létt­skýjað.