Hreyfingunni fyrir bestu segir Gylfi

„Þetta hefur verið að gerjast hjá mér í nokkra mánuði,“ segir Gylfi Arnbjörnsson, forseti Alþýðusambands Íslands. Á fundi miðstjórnar ASÍ í dag gerði hann grein fyrir því að hann ætlar ekki að gefa kost á sér til endurkjörs á 43. þingi ASÍ sem haldið verður 9. október.

Gylfi hefur verið gagnrýndur af stjórnendum nokkurra aðildarfélaga ASÍ að undanförnu og lagði formaður VR fram vantrauststillögu á Gylfa í maí. Í yfirlýsingu sinni á fundi miðstjórnar í dag sagðist Gylfi alltaf tilbúinn að berjast fyrir og berjast með félögum sínum, en að hann væri ekki tilbúinn að berjast gegn þeim.

Frétt af mbl.is

Gylfi ekki áfram forseti ASÍ

„Undanfarna mánuði hefur verið að gerjast í kolli mínum hvað væri skynsamlegast, ekki bara fyrir sjálfan mig, heldur hef ég lagt mat á hreyfinguna og hvað er henni fyrir bestu.“

Gylfi segir óljóst hvað taki við hjá honum eftir þing sambandsins í október, en að það verði ekki innan ASÍ. Hann hefur starfað innan ASÍ síðan 1989, fyrst sem hagfræðingur, síðar sem framkvæmdastjóri og loks sem forseti til tíu ára.  

Frétt af mbl.is

Vantraustsyfirlýsingin stendur óhögguð

• 1 blogg um fréttina

Bloggað um fréttina

• Hallmundur Kristinsson: ASÍ