Fulltrúar stjórnarandstöðuflokkanna í borgarstjórn hittust á fundi í gærdag til að fjalla um „það neyðarástand sem nú ríkir meðal sífellt fleiri heimilislausra í Reykjavík,“ segir í sameiginlegri yfirlýsingu þeirra. Harmar stjórnarandstaðan það sem hún segir „algjört aðgerðarleysi“ í þessum málaflokki.

Yfirlýsing stjórnarandstöðuflokkanna í borgarstjórn:

„Við þessar aðstæður er það fullkomið ábyrgðarleysi að borgarstjórn og fagráð borgarinnar séu nú komin í sumarleyfi án þess að leysa vandann. Stjórnarandstaðan óskaði eftir aukafundi í velferðarráði fyrr í sumar þar sem þessi mál yrðu sett á dagskrá í heild sinni. Svörin voru á þann veg að ekki var unnt að verða við ósk um aukafund fyrr en 10. ágúst nk., á meðan eykst neyð heimilislausra með hverjum deginum. Eins og fram hefur komið í nýlegu áliti umboðsmanns Alþingis hefur meirihluti borgarstjórnar brugðist skyldum sínum í þessum efnum.

Stjórnarandstaðan, hvar í flokki sem hún stendur, sammælist um að grípa þurfi strax til neyðarúrræða, hefjast handa við að leysa þennan alvarlega vanda til frambúðar og hefur farið fram á aukafund í borgarráði strax í næstu viku.

Heimilislaust fólk fær ekki sumarfrí frá áhyggjum sínum og þeirri angist sem fylgir því að hafa ekki þak yfir höfuðið.“

Tengdar fréttir

Heimilislaust fólk í Reykjavík

„Hann má svo sann­ar­lega ekki gleyma okk­ur“

• Engin sólarhringsopnun í neyðarskýlum um jólin
• Neyðarskýlin opin lengur í gær vegna kuldans
• Bjóða upp á pitsur í gistiskýlum á bóndadaginn
• Neyðarskýlin opin í dag og á miðvikudag

» Fleiri tengdar fréttir

• 1 blogg um fréttina

Bloggað um fréttina

• Eyþór Laxdal Arnalds: Húsnæðiskrísan