„Ef það er sjálfbært, þá veiðir maður,“ segir Kristján Loftsson, eigandi Hvals hf., í viðtali við New York Times. Þar ver Kristján umdeildar hvalveiðar fyrirtækisins.

„Auðvitað getur maður gert eitthvað annað en af hverju ætti ég að hætta þessu? Það er ekkert rangt við þetta,“ segir Kristján sem vill meina að það sé ekkert að því að veiða hval.

Enn fremur segir Kristján að hann sjái enga ástæðu til að hætta veiðum, þrátt fyrir að þeim sé mótmælt víðs vegar í heiminum.

Tryggvi Aðalbjörnsson, blaðamaður og fyrr­ver­andi fréttamaður hjá RÚV, skrifar um Kristján og hvalveiðar Íslendinga. Fjallað er um að Kristján hafi í gegnum árin staðið í stappi við alþjóðleg dýraverndunarsamtök en þrátt fyrir það beri flestir virðingu fyrir honum.

„Ef þú spyrð hann spurningar þá svarar hann þér iðulega. Hann stoppar oft og hugsar málið áður en hann talar. Við sjáum þetta ekki oft,“ segir Robert Read, framkvæmdastjóri Shea Shephard í Bretlandi, um Kristján.

Frétt af mbl.is

Leggja fram kæru á hendur Hval hf.

Jarðvinir lögðu í fyrradag fram kæru til ríkissaksóknara á hendur Hval hf. „Það er nokkuð síðan það kom í ljós að eitt af veiðiskip­um Hvals hf. hafði skotið blend­ings­hval. Í fram­haldi af því þá litu menn að því hvort hægt væri að fella slíka blend­inga und­ir það veiðileyfi sem Hval­ur hf. hef­ur og und­ir lög og reglu­gerðir um hval­veiðar við Íslands­strend­ur. Niðurstaðan var sú að það væri eng­in und­anþága, það væri bara heim­ilt að veiða langreyðar og ekk­ert annað,“ seg­ir Ragn­ar Aðal­steins­son, lög­fræðing­ur Jarðar­vina, við mbl.is í gær.

Umfjöllun New York Times má nálgast hér.

Tengdar fréttir

Hvalveiðar

Mál Black Cube ekki á borði ríkissaksóknara

• Fjögur fyrirtæki sótt um leyfi til hvalveiða
• Fátt um svör vegna Black Cube
• „Er í mínum huga engin frétt“
• Ríkislögreglustjóri kannar málsatvik

» Fleiri tengdar fréttir

• 1 blogg um fréttina

Bloggað um fréttina

• Arnar Guðmundsson: Jafnvægi og heilagleiki