Grindhvalavaðan sem björgunarsveitarmenn ráku úr Kolgrafafirði í gær er líklega komin aftur inn fjörðinn. Þetta segir Einar Strand, formaður svæðisstjórnar Landsbjargar á Snæfellsnesi, í samtali við mbl.is. Hann segir björgunarsveitum hafa borist tilkynning um að hvalavaðan væri snúin aftur.

Frétt af mbl.is

Magnað myndband úr Kolgrafafirði

Kolgrafafjörður rataði reglulega í fjölmiðla í árslok 2012 og ársbyrjun 2013 eftir að fjörðurinn fylltist af síld, sem síðar drapst í verulegu magni. „Ég er búinn að vera hér í tuttugu ár en ég man ekki eftir að hafa heyrt af grindhvölum í Kolgrafafirði,“ segir Einar spurður hvort grindhvalastrand hafi áður verið til vandræða í firðinum.

Frétt af mbl.is

Hvalatorfa innlyksa í Kolgrafafirði

Einar kveðst ekki viss um hvort björgunarsveitir aðhafist nokkuð vegna grindhvalanna séu þeir komnir aftur inn fjörðinn. „Það er spurning um að láta þetta í friði,“ segir Einar. „Menn voru að prófa hvort þetta myndi duga, í Ólafsvík hafa þeir stundum rekið grindhvalina frá landi þegar þeir eru að ganga þar.“

Að sögn Einars var það e.t.v. helst á landi þar sem hætta skapaðist í gær vegna hvalavöðunnar. Margt ferðafólk stöðvaði bíla sína á brúnni eða var annars hugar við aksturinn. 

Tengdar fréttir

Hvalir í Kolgrafafirði

Svamla um Kolgrafafjörð (myndband)

• Hvalirnir horfnir sjónum
• Reka hvalina lengra út á haf
• „Þeir eru bara hérna“
• Losuðu hval í fjörunni

» Fleiri tengdar fréttir

• 1 blogg um fréttina

Bloggað um fréttina

• S i g u r ð u r S i g u r ð a r s o n: Látið hvalina vera