Fjölmenni var á opnum fundi sem hverfafélög Sjálfstæðisflokksins í Smáíbúða-, Bústaða- og Fossvogshverfi og Hlíða- og Holtahverfi í Reykjavíkur boðuðu til í kvöld í aðalsal Valhallar, höfuðstöðva flokksins.

Miklar umræður urðu á fundinum um fyrirhugaða samþykkt á þriðja orkupakka Evrópusambandsins hér á landi í gegnum aðild Íslands að EES-samningnum. Borin var upp ályktun á fundinum þar sem skorað var á forystu Sjálfstæðisflokksins að samþykkja ekki orkupakkann þegar hann kæmi til afgreiðslu á Alþingi og var hún samþykkt mótatkvæðalaust, en ályktunin er svohljóðandi:

„Fundurinn skorar eindregið á forystu Sjálfstæðisflokksins að hafna þriðja orkupakka Evrópusambandsins á þeim grunni að hann stangast á við ákvæði stjórnarskrárinnar, opnar Evrópusambandinu leið til yfirráða yfir einni helstu auðlind Íslands og hækkar verð á raforku og afleiðingar til langs tíma eru óvissar.“

Einnig var rifjað upp á fundinum ályktun landsfundar Sjálfstæðisflokksins frá því fyrr á þessu ári þar sem hafnað var því að frekara vald vald yfir íslenskum orkumálum yrði fært í hendur stofnunum Evrópusambandsins.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 5 blogg um fréttina

Bloggað um fréttina

• Páll Vilhjálmsson: Bjarni, nú stígum við á bremsuna
• Gústaf Adolf Skúlason: Grasrótin sér vandamálið en hlustar forysta Sjálfstæðisflokksins?
• Gunnar Heiðarsson: Græðgisfálkarnir
• Ívar Pálsson: Þriðji orkupakkinn er þriðja ríkið
• Kristbjörn Árnason: Meirihluti á Alþingi er í raun staðfestur gegn orkusölu til …