„Röð af klaufaskap og mistökum“

Kári Stefánsson, forstjóri Íslenskrar erfðargreiningar, segir ferlið frá því að skóflu­stunga að bygg­ing­unni sem hýs­ir já­eindaskann­ann við Landspítala var tek­in í janú­ar árið 2016 og þar til hann var tekinn í notkun í síðustu viku vera röð af klaufaskap og mistökum.

Fyrstu áætlan­ir gerðu ráð fyr­ir því að taka mætti tækið í notk­un um miðjan sept­em­ber árið 2016, en þær stóðust ekki, né held­ur áætlan­ir sem gerðu ráð fyr­ir því að skann­inn yrði tek­inn í notk­un síðasta haust og janú­ar­mánuði síðastliðnum. Í apríl framkvæmdi Lyfja­stofn­un út­tekt á geisla­virku lyfi, sem gefa þarf  þeim sjúk­ling­um sem fara í já­eindaskann­ann. Hann var hins vegar ekki formlega tekinn í notkun fyrr en í síðustu viku.

Ekki nóg að dæla peningum í heilbrigðiskerfið

Pétur H. Hannesson, yfirlæknir á röntgendeild Landspítala, sagði í samtali við mbl.is í gær það hafi ef til vill verið óskhyggja að klára verkið á rúmu ári. Kári fullyrðir að ef Íslensk erfðagreining hefði byggt jáeindaskanna í Vatnsmýri hefði það tekið eitt ár, en ekki tæp þrjú. Já­eindaskann­inn var að stærst­um hluta gjöf til spít­al­ans, eða öllu held­ur þjóðar­inn­ar, frá Íslenskri erfðagrein­ingu og kost­ar í heild­ina rúm­an millj­arð króna.

Frétt af mbl.is

Jáeindaskanninn kominn í notkun

„Þetta er ósköp einfaldlega þvaður,“ segir Kári um orð Péturs og bendir hann á að þrjú ár séu langur tími þegar litið er til jafn stórra tækja og jáeindaskannans. „Svona tæki hefur takmarkaðan endingartíma og allt í einu er það orðið þriggja ára gamalt þegar það er tekið í notkun,“ segir Kári.

Hann segir að ferlið sýni að það er ekki nóg að dæla peningum í íslenska heilbrigðiskerfið heldur þurfi að fylgja því vel eftir, sem hafi ekki verið gert í tilviki jáeindaskannans.

Engir eftirmálar verða hins vegar vegna málsins að sögn Kára. „Við munum halda áfram að hlúa að íslensku heilbrigðiskerfi. Það truflar mig í sjálfu sér ekkert að það hafi átti sér röð af mistökum. Nú vonast ég til þess að þetta gagnist spítalanum og íslenskum sjúklingum,“ segir Kári.

• 1 blogg um fréttina

Bloggað um fréttina

• Heimir Lárusson Fjeldsted: LSH ekki treystandi fyrir framkvæmdum