Árshátíð frestað vegna ráðherraafskipta

Árshátíð Stjórnarráðsins, sem fara átti fram 6. október, hefur verið frestað til vors eftir afskipti tveggja ráðherra. Þetta kemur fram í Fréttablaðinu í dag, sem segir nokkurrar óánægju gæta meðal starfsmanna vegna afskiptasemi ráðherranna.

Þann 6. október nk. verða tíu ár frá sjónvarpsávarpi Geirs H. Haarde, þáverandi forsætisráðherra, vegna bankahrunsins. Segir Fréttablaðið að þegar spurst hafi út í mennta- og menningarmálaráðuneytinu, sem sér um skipulagninguna í ár, að árshátíðina ætti að bera upp á þennan dag hafi Lilja Alfreðsdóttir, mennta- og menningarmálaráðherra, lýst áhyggjum af dagsetningunni við Katrínu Jakobsdóttur forsætisráðherra.

Í kjölfarið hafi þær greint skipuleggjendum frá andstöðu sinni og árshátíðinni í framhaldi verið frestað fram á næsta vor.

• 1 blogg um fréttina

Bloggað um fréttina

• Páll Vilhjálmsson: Svokallað hrun og lýðveldið sem ekki féll