WOW air mun ekki fljúga til Stokkhólms, Edinborgar og San Francisco yfir vetrarmánuðina og mun félagið aflýsa flugferðum frá 5. nóvember þangað til í byrjun apríl á næsta ári. Er þetta gert í hagræðingarskyni. Þetta kemur fram í tilkynningu frá flugfélaginu. 

„Eins og þegar hefur komið fram verður seinkun á afhendingu á tveimur glænýjum Airbus A330neo-vélum sem áttu að koma í nóvember en koma núna ekki fyrr en í lok febrúar. Fyrir vikið neyðist félagið til þess að gera breytingar á leiðarkerfi félagsins í vetur,“ segir í tilkynningunni.

Fram kemur að haft verði samband við alla farþega sem eiga í hlut, þeim boðin endurgreiðsla eða að gera breytingar á ferðahögun sinni án þess að greiða breytingargjald.

Alls flýgur WOW til 38 áfangastaða í Evrópu og Norður-Ameríku, en 6. desember hefst áætlunarflug til Indlands og 18. desember bætist Orlando við leiðarkerfið.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Primera gjaldþrota, WOW hættir flugi