Öðruvísi staðið að framkvæmdum núna
Setja bókamerki
„Ég fagna því að það hafi verið ráðist í þessa úttekt,“ segir Dóra Björt Guðjónsdóttir, oddviti Pírata í borgarstjórn um úttekt sem gerð var vegna umframkostnaðar við endurbætur á íbúðum Félagsbústaða við Írabakka í Reykjavík.
Ráðist verður í gagngerar endurbætur á starfsemi og innra eftirliti Félagsbústaða í kjölfar úttektar sem gerð var vegna umframkostnaðar við endurbætur á 53 íbúðum Félagsbústaða við Írabakka í Reykjavík.
Í úttektinni kom fram að á því fjögurra ára tímabili sem hún tók til samþykkti stjórn framkvæmdir fyrir 398 m.kr. Árið 2012 var farið af stað með viðhaldsverkefni upp á 44 milljónir kr. til að skipta út gluggum, ofnum og tréverki á Írabakka 2-16. Fljótlega kom hins vegar í ljós að viðhaldsþörfin var mun meiri og því samþykkti stjórnin framkvæmdir fyrir 398 m.kr næstu fjögur árin.
Heildarkostnaður Félagsbústaða vegna framkvæmdanna reyndist hins vegar að lokum 728 milljónir kr. sem er 330 milljón kr. umfram þær heimildir sem stjórnin veitti og felur í sér 83% framúrkeyrslu.
Framkvæmdastjóri Félagsbústaða, Auðun Freyr Ingvarsson, sagði af sér í kjölfar úttektarinnar.
„Mér finnst jákvætt að stjórn félagsbústaða taki þessum niðurstöðum alvarlega og það geri ég einnig. Ég treysti stjórninni fyrir því verkefni að breyta því sem þarf að bæta,“ segir Dóra.
Hún segir að það sé mikilvægt að faglega sé staðið að öllum framkvæmdum á vegum Félagsbústaða. „Ég hef heyrt að öðruvísi hafi verið staðið að framkvæmdum eftir þetta mál. Mér finnst mikilvægt að verkferlar séu faglegir og skýrir og þeim sé fylgt. Ég treysti stjórninni að svo verði hér eftir,“ segir Dóra.
Hún virðir ákvörðun Auðuns að segja upp störfum. „Mér finnst virðingarvert að framkvæmdastjórinn hafi ákveðið að hætta, þó ég viti ekki hvort það sé beintengt þessu. Það er virðingarvert af honum að sæta ákveðinni ábyrgð með því að fara frá.
Litlar líkur á að hraunið nái til mannvirkja
Yfir 300 stæði fóru undir hraun
Hópur fólks reyndi að komast að eldgosinu
Fullvissa ferðamenn um að hér sé öruggt
„Höfum sloppið bærilega með skaða af þessu gosi“
Hentugt gos fyrst gýs á annað borð
Börn hafi engan rétt á leikskólakennslu