Rann­sókn lög­regl­unn­ar á Vest­fjörðum á skútuþjófnaði á Ísaf­irði aðfaranótt 14. október er langt komin sam­kvæmt Hlyni Haf­berg Snorra­syni yf­ir­lög­regluþjóni. Einn er í haldi lögreglu, grunaður um þjófnaðinn, og var hann úrskurðaður í farbann til 12. nóvember. Maðurinn, sem er erlendur, hefur tvívegis verið yfirheyrður vegna málsins.

Frétt af mbl.is

Skútuþjófurinn yfirheyrður í gær

Eigandi skútunnar, sem er franskur, kom til landsins stuttu eftir að upp komst um þjófnaðinn, en hann hafði hugsað sér að geyma skútuna á Ísafirði í vetur. Skútan var við höfn á Rifi um helgina og þegar fréttaritari Morgunblaðsins náði tali af honum vildi hann sem minnst tjá sig um þjófnaðinn fyrr en hann hefði gefið skýrslu hjá lögreglu.

Þegar mbl.is náði tali af eigandanum í dag staðfesti hann að hann hafi gefið skýrslu hjá lögreglu en vildi að öðru leyti ekki tjá sig um þjófnaðinn. Forgangsmál hjá honum þessa stundina er að koma skútunni, Inook, í öruggt skjól fyrir veturinn.

Maður­inn sem grunaður er um verknaðinn var einn um borð í Inook þegar hann var hand­tek­inn. Við rannsókn málsins hefur lögreglan meðal annars skoðað gögn sem veita upplýsingar um hvort maðurinn hafi verið einn að verki eða notið aðstoðar.

Hlynur segir að rannsóknin sé á lokametrunum og ljúki vonandi á næstu dögum.

Skútan Inook við bryggjuna á Rifi. mbl.is/Alfons Finnsson

Tengdar fréttir

Skútuþjófnaður

Skilorðsbundið fangelsi í skútumáli

• Framlengja farbann í skútumáli
• Neitar þjófnaði í skútumálinu
• Ákærður fyrir skútuþjófnað
• Skútuþjófurinn yfirheyrður í gær

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: Öruggt skjól í Snarfarahöfn