Sig­ríður Á. And­er­sen dóms­málaráðherra ætl­ar ekki að biðja þá af­sök­un­ar sem vikið var af lista hæfn­is­nefnd­ar um um­sækj­end­ur um stöður dóm­ara við Lands­rétt. Þetta kom fram í máli henn­ar í Kast­ljósi í kvöld.

Íslenska ríkið var í dag dæmt í Héraðsdómi Reykja­vík­ur til að greiða Jóni Hösk­ulds­syni héraðsdóm­ara fjór­ar millj­ón­ir í skaðabæt­ur og 1,1 millj­ón í miska­bæt­ur vegna ákvörðunar dóms­málaráðherra að líta fram hjá hon­um þegar skipað var í embætti dóm­ara við Lands­rétt. Þá var í öðru máli viður­kennd bóta­skylda rík­is­ins í sam­bæri­legu máli Ei­ríks Jóns­son­ar laga­pró­fess­ors sem einnig hafði verið meðal um­sækj­enda um starf dóm­ara við Lands­rétt.

Frétt af mbl.is

Ríkið þarf að greiða 5,1 millj­ón í bæt­ur

Dóms­málaráðherra sagði að hún hefði alltaf orðið skaðabóta­skyld, sama hvað hún hefði gert, enda hefði þingið ekki samþykkt lista hæfn­is­nefnd­ar­inn­ar. „Ég fellst nú ekki á það að þetta ágæta fólk hafi orðið fyr­ir ein­hverj­um miska vegna þess að ég hef sagt það og held því fram ennþá að þetta fólk allt sam­an var jafn hæft og vel hæft til að gegna störf­um lands­rétt­ar­dóm­ara,“ sagði Sig­ríður, þegar hún út­skýrði hvers vegna hún hygðist ekki biðjast af­sök­un­ar.

Þá sagði hún aðspurð að hún hefði ekki gert mis­tök við skip­an dóm­ara við Lands­rétt. „Nei, á þeim tíma, þegar ég stóð frammi fyr­ir mál­inu, þá get ég ekki fall­ist á að mér hafi verið unnt að haga þessu með öðrum hætti.“

Nú, þegar dóm­ur hef­ur fallið í mál­inu, seg­ir Sig­ríður að hún muni haga meðferð sam­bæri­legra mála með öðrum hætti og með ít­ar­legri rann­sókn­um, ef til þess kem­ur að hún þurfi að víkja frá til­lögu hæfn­is­nefnd­ar um dóm­ara­embætti í framtíðinni.

Tengd­ar frétt­ir

Lands­rétt­ur

Fara aft­ur fram á mann­dráp frek­ar en lík­ams­árás

• Eig­anda buy.is gert að greiða 258 millj­ón­ir
• Sex mál end­urupp­tek­in vegna Lands­rétt­ar­máls­ins
• Mál Guðmund­ar fyr­ir Lands­rétt á ný
• End­urupp­taka breyti ekki endi­lega niður­stöðunni

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Óðinn Þóris­son: Sig­ríður Á And­er­sen stjórn­mála­maður árs­ins 2018
• Jó­hann Elías­son: Á HVERJU ÆTTI HÚN AÐ BIÐJAST AFSÖKUN­AR????????