Segir gjöldin 30 sinnum of há

Samtök ferðaþjónustunnar gagnrýna Isavia fyrir að rukka gjöld vegna hópferðabifreiða við Keflavíkurflugvöll sem ég rúmlega 30 sinnum hærri en kostnaðurinn við að veita þjónustuna. Þetta kemur fram í bréfi samtakanna til fyrirtækisins.

Vísa Samtök ferðaþjónustunnar þar til mats Samkeppniseftirlitsins í þeim efnum vegna gjaldtöku Isavia. Þannig sé gjaldið fyrir hópbifreið sem tekur allt að 19 farþega 3.200 krónur fyrir hvert skipti sem farþegar eru sóttir í flugstöðina, 7.400 krónur fyrir bifreið sem tekur 20-45 farþega og 9.900 fyrir bifreið sem tekur 46 farþega. 

Frétt af mbl.is

Gera ráð fyrir stöðvun gjaldtökunnar

Benda SAF á að gjaldtöku opinberra aðila sem grundvallist á sjónarmiðum um innheimtu þjónustugjalda sé sett ákveðin skilyrði er snúa að grundvelli og umfangi gjaldtökunnar. Þannig sé stjórnvaldi aðeins heimilt að taka gjald fyrir beinan kostnað eða kostnað sem sé í nánum og efnislegum tenjgslum við viðkomandi þjónustu.

„Því er mikilvægt að til staðar liggi kostnaðargreining á umfangi veittrar þjónustu en hlutverk slíkrar greiningar er því að tryggja að útdeiling á kostnaði á vörur og þjónustu opinbers aðila verði með sanngjörnum og skynsamlegum hætti. Kostnaðargreiningu er þannig ætlað að halda utan um allan kostnað og sýna jafnframt fram á að ákvörðun um gjaldskrá sé byggð á traustum og vönduðum útreikningi á þeim kostnaðarliðum sem liggja til grundvallar.“

• 1 blogg um fréttina

Bloggað um fréttina

• Ásgrímur Hartmannsson: Þetta er í takt við allt annað