Hljóðupptakan sem var gerð á barnum Klaustri 20. nóvember var „njósnaaðgerð“ sem fól í sér refsivert brot. Þetta kemur fram í beiðni Reimars Péturssonar fyrir hönd fjögurra þingmanna Miðflokksins þar sem farið er fram á vitnaleiðslur og öflun sýnilegra sönnunargagna vegna upptökunnar. 

Frá þessu er greint á vef Rúv. 

Þar segir að þingmennirnir, þau Anna Kolbrún Árnadóttir, Bergþór Ólason, Gunnar Bragi Sveinsson og Sigmundur Davíð Gunnlaugsson, geti því meðal annars krafist miskabóta af þeim sem beri ábyrgð á hljóðupptökunni. 

Tekið er fram að beiðni Reimars, sem barst til dómstjóra Héraðsdóms Reykjavíkur, sé frá 6. desember, eða degi áður en Bára Halldórsdóttir steig fram og upplýsti að hún hefði tekið upp samtöl þingmannanna og komið upptökunni síðan í hendur fjölmiðla.

Í beiðninni segir enn fremur, að þingmennirnir hafi treyst því að þau hefðu getað átt réttmætar væntingar til þess að samræður þeirra „sættu ekki njósnum, upptöku né annarri vinnslu óviðkomandi aðila“, að því er segir á vef Rúv. 

Frétt af mbl.is

Bára fer fyrir héraðsdóm á mánudag

Fyrr í dag var greint frá því að Bára hefði verið boðuð til þing­halds í Héraðsdómi Reykja­vík­ur vegna beiðni frá Reimari um vitna­leiðslur og öfl­un sýni­legra sönn­un­ar­gagna, sem fyrr segir. Bára staðfesti þetta í samtali við mbl.is.

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• 1 blogg um fréttina

Bloggað um fréttina

• Freysteinn Guðmundur Jónsson: Hljóðupptakan