„Að ná stúdentsprófinu á fimm önnum er vissulega krefjandi, en allt snýst þetta um rétt hugarfar og gott skipulag. Ég sagði sjálfri mér að takmarkið væri raunhæft og vann samkvæmt því. Skólinn er líka skemmtilegur og námið var áhugavert,“ segir Dýrleif Birna Sveinsdóttir.

Hún brautskráðist frá Tækniskólanum, skóla atvinnulífsins, fáum dögum fyrir jól; fyrst nema af stúdentsbrautinni K2. Hún er jafnframt yngsti nemandinn í sögu Tækniskólans sem útskrifast með stúdentspróf.

Brautskráðir nemendur frá Tækniskólanum fyrir jól voru alls 262 og komu þeir úr alls 10 skólum og deildum. Þeir sem útskrifast af K2 eru með menntun sem tekur mið af aðgangskröfum í tækni-, verkfræði- og tölvunarfræðideild Háskólans í Reykjavík. Valgreinar nemenda og tengsl við atvinnulífið veita innsýn og færni á fjölbreyttara sviði en annars er í bóknámi.

Sjá viðtal við Dýrleif Birnu í heild á baksíðu Morgunblaðsins í dag.

Tengdar fréttir

Útskriftir

Dúxinn með 8,37 í meðaleinkunn

• Sjúkraflutningaskólinn útskrifar 229 nemendur
• Dúxaði í MA með 9,83 í einkunn
• Myndskeið: Gleymdist á útskriftarathöfn HÍ
• Dúx FB segir blinduna ekki aftra sér

» Fleiri tengdar fréttir