Einn skipuleggjandi mótmælanna gegn Klaustursþingmönnunum sem hefjast á Austurvelli klukkan 14 í dag segir kröfu mótmælenda skýra: almenningur vilji þá ekki aftur á þing. 

Á facebookviðburði mótmælanna hafa um það bil tvö þúsund manns meldað sig eða lýst yfir áhuga á að mæta og á Sindri Viborg, einn þeirra sem standa að baki mótmælunum, von á að mæting verði með besta móti sökum góðs veðurs.

„Við erum ekki sátt með að menn megi hafa sína hentisemi, kæra uppljóstrara fram og til baka og koma svo á staðinn og segjast vera búnir að segja sorrí og gera það sem þeim sýnist,“ segir Sindri. 

„Í rauninni snýst þetta um þá almennu kröfu að mótmæla því hvernig þeir komu fram. Kröfurnar liggja í augum uppi: við höfum ekki áhuga á að fá þá aftur á þing,“ segir Sindri. „En hvort það séu harðlínukröfur. Ég leyfi mótmælendum að ákveða slíkt.“

Sindri Viborg, einn skipuleggjenda mótmælanna gegn Klausturþingmönnunum. Ljósmynd/Aðsend

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Alþingi þjóðarinnar - eða götunnar
• Helga Dögg Sverrisdóttir: Sammála og þingmenn eiga að sýna fjölskyldu sinni virðingu