Talsvert er eftir af því ferli sem þarf til ef innheimta skal veggjöld til þess að flýta uppbyggingu samgöngumannvirkja. Fyrst mun þingið afgreiða samgönguáætlun og mun ráðherra kynna frumvarp á vorþingi sem veitir heimild til þess að fara umrædda leið, segir Jón Gunnarsson, þingmaður Sjálfstæðisflokksins, í samtali við mbl.is.

Verði frumvarp ráðherrans samþykkt í vor mun síðan þurfa að endurskoða samgönguáætlun með tilliti til þeirra heimilda til þess að flýta framkvæmdum með innheimtu veggjalda. Sú vinna mun geta farið fram í haust að sögn Jóns.

„Með veggjöldunum mun losna um fjármuni sem gerir okkur kleift að flýta verkefnum og munum við þá vinna að því að ýta verkefnum sem eru aftar í samgönguáætlun framar,“ segir þingmaðurinn.

Enn er eftir að útfæra hvernig sé hægt að útfæra innheimtuna meðal annars með tillit til nýrrar ríkisfjármálaáætlun sem verður afgreidd í vor. Þá munu útfærsluatriðin einnig ráða för um hvort þurfi heimildir í fjárlögum til þess að hefja innheimtu.

Tengdar fréttir

Veggjöld

„Borgarlína fjárhagsleg martröð“

• Höfuðborgin sniðgengin í fyrri áætlun
• Kostar tugi milljarða
• Mun kosta um 10 milljarða
• Vill skoða Keldnaland undir nýjan spítala

» Fleiri tengdar fréttir

• 2 blogg um fréttina

Bloggað um fréttina

• Hallmundur Kristinsson: Á Alþingi eftir hádegið
• Ómar Ragnarsson: Ekki sama hvernig aðstæður eru varðandi veggjöld