Ögmundur óhress með stuðning við Guaidó

Ögmundur Jónasson, fyrrverandi ráðherra og þingmaður Vinstri grænna, er óánægður með þá afstöðu íslenskra stjórnvalda að styðja Juan Guaidó, leiðtoga stjórnarandstöðunnar í Venesúela, sem forseta landsins, þar til boðað hefur verið til nýrra kosninga.

Þessari skoðun sinni deilir ráðherrann fyrrverandi á vefsíðu sinni í kvöld, en Guðlaugur Þór Þórðarson utanríkisráðherra greindi frá afstöðu ríkisstjórnar Íslands í samtali við mbl.is í kvöld.

Frétt af mbl.is

Íslensk stjórnvöld styðja Guaidó

„Sannast sagna hélt ég að afhjúpun ósanninda um valdaskipti og tilraunir til valdaskipta í Írak, Líbíu, Sýrlandi og nú Venesúela, svo nýjustu dæmin séu nefnd, væri nóg til að íslensk stjórnvöld sæju sóma sinn í því að halda sér alla vega til hlés,“ skrifar Ögmundur á vef sinn og bætir við að í öllum tilfellum hafi gerandinn verið hinn sami, „bandalagsríki Íslands í NATÓ með Bandaríkin í broddi fylkingar“.

„Réttast væri að mótmæla ofbeldinu og ósannindunum en lágmarkskrafa er að gerast ekki svo svívirðilega undirgefinn heimsauðvaldinu sem þess afstaða ríkisstjórnar og Alþingis ber vott um,“ skrifar Ögmundur.

• 1 blogg um fréttina

Bloggað um fréttina

• Lárus Ingi Guðmundsson: Island ekki sjalfstæð þjoð..