Átaldi framkomuna úr forsetastól

„Forseti vill átelja framkomu háttvirtra þingmanna Þórhildar Sunnu Ævarsdóttur og Björns Levís Gunnarssonar við upphaf ræðu háttvirts þingmanns Bergþórs Ólasonar hér áðan. Jafnframt vill forseti minna á orð fyrrverandi forseta þings sem sögð voru við álíka tilefni í þingsal í nóvember 2012, þegar hann sagði að atvik af þessum toga eru ekki við hæfi og að í þessum sal tjái menn sjónarmið sín og viðhorf úr ræðusal.“

Þetta sagði Bryndís Haraldsdóttir, varaforseti Alþingis og þingmaður Sjálfstæðisflokks, úr forsetastól í þingingu áðan, í tilefni af mótmælum þingmanna Pírata, sem stóðu um stund við hlið Bergþórs Ólasonar þingmanns Miðflokksins með svokallaðar „Fokk ofbeldi“-húfur.

Frétt af mbl.is

Mótmæltu með „Fokk ofbeldi“-húfum

Bryndís vísaði þarna til ummæla sem Árni Þór Sigurðsson lét falla úr sæti forseta árið 2012, eftir að þingmennirnir Lúðvík Geirsson og Björn Valur Gíslason gengu til skiptis fram fyrir ræðustól Alþingis með spald sem á stóð „MÁLÞÓF“ er Illugi Gunnarsson var í ræðustól.

Frétt af mbl.is

„Báðir hafa orðið sér til minnkunar“

Báðir stigu þeir í ræðustól síðar sama kvöld, er rætt var um fjárlagafrumvarp, og báðu Illuga Gunnarsson afsökunar á háttsemi sinni.  Ill­ugi sagðist taka af­sök­un­ar­beiðnina til greina en sagði málið verra fyr­ir Alþingi Íslend­inga.

Frétt af mbl.is

Þingmenn báðust afsökunar

Brynjar Níelsson sat í forsetastól í þinginu er þingmenn Pírata framkvæmdu „þögul mótmæli“ sín í kvöld og virtist talsvert hissa á framferði þingmannanna. Skömmu síðar skipti hann svo við Bryndísi, sem átaldi framferði þeirra, sem áður segir.

• 1 blogg um fréttina

Bloggað um fréttina

• Jóhannes Laxdal Baldvinsson: Fuck Ofbeldi!