Rósa Björk Brynjólfsdóttir greiddi atkvæði gegn tillögu um formennsku Jóns Gunnarssonar í umhverfis- og samgöngunefnd, ein stjórnarliða. Einnig kusu þær Helga Vala Helgadóttir, þingmaður Samfylkingar, og Hanna Katrín Friðriksson, úr Viðreisn, báðar í stjórnarandstöðu gegn tillögunni. Tveir þingmenn minnihlutans greiddu aftur á móti atkvæði með tillögunni.

Frétt af mbl.is

Leist illa á formennsku til vinstri

„Mér fannst mikilvægt að styðja við tillögu minnihlutans þegar kemur að forystu í þessari nefnd, minnihlutinn á þetta sæti og mér fannst mikilvægt að halda í heiðri þeim áherslum sem hafðar voru um að hér yrði sátt og samlyndi, og um lýðræðislega aðkomu minnihlutans að nefndum,“ sagði Rósa Björk í samtali við mbl.is að fundi loknum.

Spurð hvort sömu sjónarmið ættu ekki við í tilfelli Miðflokksins sem falin var formennska í nefndinni undir sama samkomulagi segir Rósa Björk: „Nei, mér finnst það ekki.“

„Ef minnihlutinn leggur Hönnu Katrínu til sem formann þá þykir mér rétt að styðja það,“ segir Rósa.

Rósa Björk sagði í samtali við blaðamann að staðan sem blasir nú við í nefndum Alþingis sé „mjög eftirtektarverð, svo vægt sé til orða tekið“. 

„Sjálfstæðisflokkurinn er með fjórar formennskur hér á þinginu og kominn með algjör undirtök á nefndum þingsins. Ég er ekki viss um að það sé í takt við það sem við viljum sjá,“ segir Rósa Björk og bætir við að þá stöðu þurfi að ræða frekar innan meirihlutans.

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Óreiðuvinstrið fær liðsauka