Framkvæmdastjóri Samtaka atvinnulífsins segir gagntilboð Eflingar, VR, VLFA og VLFG óaðgengilegt samtökunum og geti ekki orðið grundvöllur kjarasamnings aðila á milli.

SA fundaði með stéttarfélögunum hjá ríkissáttasemjara nú í hádeginu, en samtökin lögðu fram tilboð um lausn deilunnar á síðasta fundi, sem fram fór á miðvikudag, og lögðu stéttarfélögin fram gagntilboð á fundinum í dag. Því var ekki tekið.

Frétt af mbl.is

Efling leggur fram gagntilboð

Gagntilboð Eflingar hljóðaði meðal annars upp á að komið yrði til móts við tilboð SA, en með því skilyrði að yfirvöld settu fram og stæðu við skattkerfisbreytingar.

Búist er við útspili stjórnvalda inn í yfirstandandi kjaraviðræður eftir helgi, en Halldór Benjamín Þorbergsson segir að hans skilningur á aðkomu stjórnvalda hafi verið með þeim hætti að forsendan væri sú að stutt væri á milli aðila við úrlausn deilunnar og að þeir kjarasamningar sem hyllti undir væru innan þess þjóðhagslega svigrúms sem atvinnulífið gæti staðið undir í þriggja ára samningi.

„Ég hef túlkað þetta með þeim hætti að sé þessi forsenda ekki uppfyllt, sé ekki um aðkomu stjórnvalda að ræða,“ segir Halldór Benjamín.

Frétt af mbl.is

Sýna stjórnvöld á spilin 18. febrúar?

Ákveðið hefur verið að boða til nýs fundar í deilunni á fimmtudag í næstu viku. „Þar munu aðilar meta með hvaða hætti þessum viðræðum verður fram haldið.“

Þrátt fyrir hægan gang í kjaraviðræðunum segist Halldór Benjamín halda sig við þá skoðun að aðilar færist nær lausn með hverjum fundi.

Tengdar fréttir

Kjaraviðræður

Komið „meira púður“ í viðræðurnar

• Deilan enn í hnút eftir tveggja vikna verkföll
• Fundað í fyrramálið
• Heimanám ekki verkfallsbrot
• Foreldrar barnanna finna fyrir neikvæðum áhrifum

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Gamalkunnug gjá og draugur.