Starfsgreinasambandið telur vonlítið um árangur af frekari samningaumleitunum við Samtök atvinnulífsins vegna endurnýjunar kjarasamninga og hefur ákveðið að vísa deilunni til ríkissáttasemjara.

Þetta kemur fram í tilkynningu frá Starfsgreinasambandinu sem send var út rétt í þessu.

Frétt af mbl.is

Vilja betri svör frá SA

Samningsaðilar hafa átt tæplega 80 fundi um sértæk mál síðan viðræður hófust í október, auk 30 funda viðræðunefnda SGS og SA um forsendur nýs kjarasamnings. Í tilkynningu segir að ýmislegt hafi þokast áfram í einstökum málum á undanförnum vikum. Þrátt fyrir það sé það mat viðræðunefndar SGS að nú verði ekki komist lengra nema með aðkomu ríkissáttasemjara.

Starfsgreinasambandið fundaði með Samtökum atvinnulífsins í gær og aftur nú síðdegis. Fram hafði komið að sambandið vildi fá skýrari svör frá SA, en samninganefnd SGS var ekki bjartsýn á stöðuna eftir að ríkisstjórnin tilkynnti um tillögur sínar á þriðjudag.

Tengdar fréttir

Kjaraviðræður

Í kappi við tímann að reyna að afstýra verkfalli

• Eins og ef „Kjörbúðin á Blönduósi færi í verkfall“
• „Við munum ekki hvílast fyrr en þetta klárast“
• „Við erum ennþá í fullum gangi“
• „Verulegur framgangur“ og fjölmiðlabann í deilunni

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Skynsemi versus róttækni.