Viðræðum hefur verið slitið
Setja bókamerki
Viðræðum Eflingar, VR, VLFA, VLFG og Samtaka atvinnulífsins hefur verið slitið en samningafundur hófst um tvöleytið í húsakynnum ríkissáttasemjara. Formaður VR segir að ljóst hafi verið í gær í hvað stefndi.
Fundurinn stóð því stutt yfir en honum átti að ljúka um hálffjögurleytið í dag.
Ragnar Þór Ingólfsson, formaður VR, segist hafa búist við þeirri atburðarás sem átti sér stað í húsakynnum ríkissáttasemjara í dag. „Við vorum búin að reyna allt og leggja mikið á okkur til þess að reyna að púsla saman einhverri lausn.“
Hann segir að ljóst hafi verið í gær í hvað stefndi og þess vegna var sótt umboð um að slíta viðræðum í gærkvöldi.
„Viðsemjendur okkar lýstu yfir árangurslausum viðræðum hér rétt í þessu. Nú fer deilan í annan gír,“ sagði Halldór Benjamín Þorbergsson, framkvæmdastjóri Samtaka atvinnulífsins, þegar hann gekk af fundi með samninganefnd verkalýðsfélaganna.
„Endatakmarkið hefur ekkert breyst, við þurfum að ná kjarasamningum,“ sagði hann. Halldór Benjamín sagði jafnframt að samninganefnd SA hafi lýst á fundinum mikilvægi þess að stuðla að jafnvægi í hagkerfinu til þess að stuðla meðal annars að vaxtalækkunum og kaupmáttaraukningu.
Talsmenn verkalýðshreyfingarinnar sögðust í gær ekki bjartsýnir á það að nýtt tilboð kæmi frá SA á fundinum í dag og staðfestu þeir allir að hafa fengið umboð til þess að slíta viðræðum.
Fréttin hefur verið uppfærð
Var rétt komin ofan í sprunguna
/frimg/1/50/98/1509812.jpg)
Aukin tíðni strætóferða fyrir fleiri íbúa
Vatni hleypt aftur á Flateyri
Áfram óvissustig vegna skriðuhættu
Við urðum að byrja upp á nýtt
/frimg/1/52/89/1528993.jpg)
Þórður „má og á að skammast sín“
„Það var bara allt í kássu“