83% hlynnt skattalækkunum tekjulægri
Setja bókamerki
Samkvæmt nýrri skoðanakönnun sem Gallup gerði fyrir Alþýðusamband Íslands eru 83% Íslendinga hlynnt því að launafólk með heildartekjur undir 500 þúsund krónum á mánuði fyrir skatt fái meiri skattalækkanir en aðrir.
Þetta kemur fram í tilkynningu frá ASÍ. „Athygli vekur að stuðningur við slíka skattkerfisbreytingu er mikill í öllum aldurs- og tekjuhópum þó vissulega sé hann mestur hjá þeim tekjulægstu.“
„Þessi niðurstaða rímar vel við þær hugmyndir um skattkerfisbreytingar sem ASÍ kynnti í lok janúar. Markmið þeirra tillagna var að létta byrðum af fólki með lágar og millitekjur, auka jafnrétti og koma á sanngjarnari skattheimtu,“ segir í tilkynningunni.
Þegar ríkisstjórnin hafi kynnt sínar skattalækkunarhugmyndir hafi komið í ljós að sama skattalækkun ætti að ganga upp allan tekjustigann.
„Rannsókn hagdeildar ASÍ frá 2017 sýnir að skattbyrði hinna tekjulægstu hefur hækkað mest á undanförnum árum og dregið hefur úr jöfnunarhlutverki skattkerfisins. Munar þar mestu að skattleysismörk hafa ekki fylgt launaþróun og vaxta- og barnabótakerfin hafa markvisst verið veikt og eru nú í skötulíki miðað við það sem áður var.“
Vinna hefst í dag við að reisa undirstöður
Dæla, kæla og verja mikilvæg mannvirki
Fundur hafinn hjá kennurum, ríki og sveitarfélögum
Auka aðgengi að Grindavík
Heimildarmenn tala um hápólitískt drama
Koma fyrstu tölur á sunnudagskvöldið?
Sendi nektarmyndir af dreng sem hann passaði