Á flokksstjórnarfundi Samfylkingarinnar sem fram fór um helgina var tekin fyrir tillaga til ályktunar um að fella beri úrskurð kjararáðs frá 29. október 2016, um laun forseta Íslands, þingfararkaup alþingismanna og launakjör ráðherra, úr gildi með lagasetningu.

Er þar vísað til hækkunar kjararáðs sem Alþýðusamband Íslands sagði meðal annars að væri eins og blaut tuska í andlit verkalýðshreyfingarinnar.

Tillagan var ekki tekin fyrir í stjórnmálaályktun flokksins sem samþykkt var eftir fundinn um helgina, en ákveðið var að vísa tillögunni til málefnanefndar. Nefndin mun því næst taka afstöðu til hennar fyrir landsfund Samfylkingarinnar á næsta ári, eða fyrir næsta flokksstjórnarfund sem er næsta haust.

Tengdar fréttir

Kjaraviðræður

Boðar ekki fund og verkföll fram undan að óbreyttu

• Skriður kominn á viðræðurnar
• Staðan alvarleg og stutt í aðgerðir
• Vonast til að menn sjái alvöru málsins
• Hefja undirbúning verkfalla

» Fleiri tengdar fréttir