Hervör lagðist gegn bókuninni
Setja bókamerki
Hervör Þorvaldsdóttir, forseti Landsréttar, greiddi atkvæði gegn bókun stjórnar dómstólasýslunnar vegna dóms Mannréttindadómstóls Evrópu í síðasta mánuði þar sem fram kom að meta skyldi áhrif málskots til yfirdeildar dómstólsins áður en slík ákvörðun yrði tekin. Þetta staðfestir Ólöf Finnsdóttir, framkvæmdastjóri Dómstólasýslunnar, í samtali við mbl.is.
Farið er einnig fram á það í bókun Dómstólasýslunnar að dómsmálaráðuneytið „hlutist til um lagabreytingu um að heimilt verði að fjölga dómurum við Landsrétt. Þetta tekur mið af því að fjórir dómarar við réttinn geta að óbreyttu ekki tekið þátt í dómstörfum. Án þess að gripið verði til þessa úrræðis mun álagið við réttinn aukast verulega með tilheyrandi drætti á meðferð mála.“
Hervör er einn fimm fulltrúa í stjórn Dómstólasýslunnar en eins og fram kemur í Morgunblaðinu í dag var ekki einhugur innan stjórnarinnar um að senda ætti slíka afstöðu frá sér í fréttatilkynningu. Benedikt Bogason, hæstaréttardómari og formaður stjórnar Dómstólasýslunnar, segir í blaðinu að stjórnvöld hafi farið nokkuð geyst í að fullyrða það að vísa ætti dómi Mannréttindadómstólsins til yfirdeildar hans áður en faglegt mat yrði lagt á slíkt.
Hraunið náð Njarðvíkuræð: Fylgjast með raflínu
/frimg/1/53/8/1530844.jpg)
Myndir: Náttúrulegur þröskuldur að taka við
Hluti bílastæðis undir hraun: Ómögulegt að meta tjón
Mæðgur dæmdar til að greiða 64 milljónir
Litlar líkur á að hraunið nái til mannvirkja
Líklega komin á seinni hluta hrinunnar í Svartsengi
Yfir 300 stæði fóru undir hraun