Samninganefnd Starfsgreinasambands Íslands segir Framsýn stéttarfélag hafa borið SGS þungum sökum í kjölfar ákvörðunar um að afturkalla samningsumboð sitt frá SGS. Hafnar samningsnefndin þessum ásökunum og segir miður að vera borin þungum sökum af félögum sínum.

Frétt af mbl.is

Framsýn afturkallar samningsumboð SGS

Aðalsteinn Árni Baldursson, formaður Framsýnar, sagði í samtali við mbl.is, eftir að tilkynnt var um afturköllunina, að Framsýn hefði alfarið hafnað vinnutímabreytingum sem Samtök atvinnulífsins lögðu fram í viðræðum við verkalýðsforystuna. Bætti hann við að slíkar hugmyndir væru kjaraskerðing. „Því miður er það þannig að inn­an hreyf­ing­ar­inn­ar hafa verið ein­stak­ling­ar sem hafa viljað skoða þetta, en maður átt­ar sig ekki á því. Þetta er bara bullandi kjara­skerðing fyr­ir fólk að skera niður yf­ir­vinnu­tíma og lengja dag­vinnu­tíma,“ sagði Aðal­steinn.

Aðalsteinn Árni Baldursson, formaður Framsýnar. Hafþór Hreiðarsson

Í yfirlýsingu SGS í dag segir að hvert félag hafi forræði á sínum málum, en að það sé „miður að í tengslum við þessa samþykkt þurfi að bera félaga sína þungum sökum. Samninganefnd Starfgreinasambandsins mun aldrei taka þátt í því að semja um að rýra kjör okkar fólks, hvort sem það l[ý]tur að vinnutíma, álagsgreið[slum] eða [öðrum] þátt[um]. Í viðræðum við Samtök atvinnulífsins hefur þessi afstaða komið fram með mjög sterkum og afdráttarlausum hætti og samninganefndarmönnum á að vera það algerlega ljóst. Það má minna á að Starfsgreinasambandið sleit viðræðum við SA vegna þessara þátta. Samninganefnd Starfsgreinasambandsins mun ekki standa í skeytasendingum við félaga sína í fjölmiðlum. Verkefni okkar er að ná samningum um bætt kjör okkar fólks, við einbeittum okkur að því í samhljómi við félaga okkar í Eflingu, Verkalýðsfélagi Akraness og  Grindavíkur.“

Undir yfirlýsinguna skrifar Flosi Eiríksson, framkvæmdastjóri SGS.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Áfram félagi Aðalsteinn Árni Baldursson