„Þetta eru sláandi fréttir,“ segir formaður Íslenska flugmannafélagsins, stéttarfélags flugmanna WOW air, um þær fregnir að félagið sé hætt starfsemi.

„Við erum að vinna í okkar málum gagnvart félagsmönnum í samvinnu við fyrirtækið,“ segir Vignir Örn Guðnason í samtali við mbl.is en vill ekki fara nánar út í hvaða vinna er nákvæmlega í gangi. 

„Það eru þessir eðlilegu hlutir sem þurfa að fara í gang í kjölfar svona atburðar. Ég ætla ekki að tjá mig frekar um það, þetta er allt mjög viðkvæmt núna. Það er í forgangi að halda utan um okkar félagsmenn og gera allt sem í okkar valdi stendur til þess að fallið verði sem mýkst.“

Íslenska flugmannafélagið var stofnað í október 2014 og telja félagsmenn þess um 200, samkvæmt vefsíðu félagsins.

Tengdar fréttir

Sviptivindar í flugrekstri

Verktökum í nýrri byggingu Icelandair boðið í kaffi

• Bláfugl sagt hafa skilað flugrekstarleyfi
• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag

» Fleiri tengdar fréttir

WOW air

Á eftir að koma í ljós hvort málunum verði áfrýjað

• Skúli sýknaður en 780 milljóna greiðslum rift
• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Löngu kominn tími á ríkisflugfélag