„Allt sem við höfum séð staðfestir að umbjóðandi okkar fari með rétt mál,“ segir Ragnar Aðalsteinsson, lögmaður Báru Halldórsdóttur, inntur eftir viðbrögðum við ummælum þingmannsins Bergþórs Ólasonar þess efnis að upptökur úr öryggismyndavélum Klausturs bar sýni að atburðarásin 20. nóvember hafi verið önnur en Bára hefur lýst.

Frétt af mbl.is

Önnur mynd en Bára lýsti

Ragnar hafði sjálfur ekki lesið ummæli Bergþórs þegar mbl.is náði af honum tali og telur sig ekki þurfa þess.

Ragnar Aðalsteinsson, lögmaður Báru.

„Þeir eru að reyna að búa til einhverja sögu um að þetta hafi gerst með allt öðrum hætti en þetta gerðist, og okkar svar er einfaldlega það að hún hefur lýst þessu réttilega og öll þau gögn sem við höfum séð staðfesta það,“ segir Ragnar.

Lögmenn Báru hafa séð umræddar upptökur sem Bergþór vísar í og segir Ragnar þingmennina sem áttu hlut að máli lesa í þær það sem þeir vilji sjá. „Við stöndum við það að frásögn Báru sé rétt.“

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Ragnar hafði ekki sjálfur lesið ummæli Bergþórs og telur sig …