Hópur í kringum Skúla Mogensen hefur uppi áform um að endurreisa flugfélagið WOW úr rústum og byggja á lággjaldamódeli eins og upphaflegar áætlanir félagsins stóðu til að gert yrði.

Hópurinn leitar nú að 40 milljóna dollara innspýtingu í félagið í formi nýs hlutafjár en fjárfestar sem reiðubúnir eru að leggja þá fjárhæð til félagsins munu skv. fjárfestakynningu sem nú er til kynningar eignast 49% hlut í félaginu á móti Skúla, lykilstjórnendum WOW og þeim sem nefndir eru „aðrir stofnendur“ félagsins. Forsvarsmenn nýja félagsins, sem ber vinnuheitið NewCo, hyggjast kaupa „allar mikilvægar eignir“ út úr þrotabúi WOW air, þar á meðal vörumerkið.

Frétt af mbl.is

Hyggst endurvekja rekstur WOW air

Í umfjöllun um mál þetta í Morgunblaðinu í dag segir, að lykilstjórnendur Arctica Finance, sem unnu náið með Skúla við fjármögnun WOW air á sínum tíma, hafi í fyrrakvöld fundað með Sveini Andra Sveinssyni, öðrum tveggja skiptastjóra félagsins.

Í nýjum áætlunum NewCo er gert ráð fyrir mun hraðari vexti en í tilfelli WOW á sínum tíma. Stefnt er að því að félagið hafi 7 vélar í rekstri strax á næsta ári en þeim fjölda náði WOW ekki fyrr en á fimmta rekstrarári sínu, 2016.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir

WOW air

Skúli sýknaður en 780 milljóna greiðslum rift

• „Allt sem ég gerði var með hag WOW í huga“
• Skúli mættur í dómsal
• Þrotabú WOW knýr á um bætur
• Stjórnendur Wow air fyrir dóm í október

» Fleiri tengdar fréttir