Stungu lögreglu af

Þrír drengir sem lögreglan á Suðurnesjum sá saman á vespu nýverið stungu lögreglu af og þegar gerð var tilraun til að stöðva för þeirra með því að blikka aðalljósum á lögreglubifreiðinni sinntu þeir því ekki heldur óku gegn einstefnu. Sást til þeirra þar sem þeir hentu sér af vespunni, létu hana inn í garð og hlupu í burtu.

Skömmu síðar hittu lögreglumenn tvo þeirra á gangi en þeir vildu ekki kannast við neitt. Vespan var því haldlögð og komið fyrir á lögreglustöð.

Þegar líða tók á daginn kom einn piltanna og vildi sækja hjólið. Honum var tilkynnt að hann fengi það ekki afhent nema koma með forráðamann með sér, sem hann gerði skömmu síðar. Málið var tilkynnt til barnaverndar.

• 1 blogg um fréttina

Bloggað um fréttina

• Ásgrímur Hartmannsson: íslensku Dukes of Hazzard eru hallærislegir...