Mikill meirihluti þeirra félagsmanna Starfsgreinasambandsins sem greiddi atkvæði um lífskjarasamninginn svonefnda, kjarasamninginn sem aðildarfélög SGS, VR og Landssamband íslenzkra verzlunarmanna sömdu um á dögunum við Samtök atvinnulífsins, samþykkti samninginn í atkvæðagreiðslu sem stóð yfir undanfarna daga.

Fram kemur í fréttatilkynningu frá SGS að lífskjarasamningurinn hafi verið samþykktur með yfirgnæfandi meirihluta atkvæða. Þannig sögðu rúm 80% já en nei 17,3%. Á kjörskrá voru 36.835 en kjörsókn var 12,78%. Atkvæðagreiðslan stóð yfir á tímabilinu 12. til 23. apríl. Atkvæðagreiðslan náði til 19 aðildarfélaga SGS og samþykktu flest félögin samninginn með á bilinu 69-89,6%. Kjörsókn innan einstakra félaga var á bilinu 5,14-28,7%.

Vænta má niðurstaðna úr atkvæðagreiðslu innan VR um lífskjarasamninginn eftir um klukkutíma samkvæmt upplýsingum frá félaginu.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Lífskjör eru meira en laun