Hlé var gert á ann­arri umræðu um þriðja orkupakk­ann nú á sjö­unda tím­an­um í morg­un, en þing­menn Miðflokks­ins héldu uppi málþófi í alla nótt um þings­álykt­un­ar­til­lög­una sem nú ligg­ur fyr­ir Alþingi.

Mikl­ar umræður og deil­ur hafa verið um þriðja orkupakk­ann und­an­far­in miss­eri, en málið var af­greitt úr ut­an­rík­is­mála­nefnd á mánu­dag­inn og lagt fram til síðari umræðu í þing­inu.

Greiddi full­trúi Miðflokks­ins í ut­an­rík­is­mála­nefnd at­kvæði gegn því að málið yrði af­greitt úr nefnd­inni en aðrir flokk­ar greiddu at­kvæði með því. Fram kom í frétta­til­kynn­ingu frá Miðflokkn­um að ljóst væri að þröngva ætti mál­inu í gegn­um Alþingi á sem skemmst­um tíma þrátt fyr­ir að málið ylli mörg­um áhyggj­um og mik­il andstaða væri við það hjá þjóðinni.

Sagði Áslaug Arna Sig­ur­björns­dótt­ir, formaður nefnd­ar­inn­ar, hins veg­ar alrangt að málið hafi með ein­hverj­um hætti verið keyrt í gegn­um ut­an­rík­is­mála­nefnd.

Seinni umræða um frum­varpið hófst á þriðju­dag og var henni haldið áfram haldið síðdeg­is í gær og í gegn­um nótt­ina. Enn voru nokkr­ir þing­menn Miðflokks­ins á mæl­enda­skrá þegar umræðum var frestað klukk­an 6.18 í morg­un.

Tengd­ar frétt­ir

Ísland og ESB

Þor­gerður Katrín: Tolla­stríð gagn­ast eng­um

• Til Brus­sel til að koma á eðli­leg­um sam­skipt­um
• Ótt­ast ein­angr­un og hóta neit­un­ar­valdi
• Vilja end­urupp­töku á viðræðum um aðild að ESB
• Sekta ekki skip sem upp­fylla ekki kröf­ur

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Páll Vil­hjálms­son: Kristni og kon­ungs­vald, orkupakki og ESB-vald