„Ég treysti því að þegar frá líður verði litið á þessa at­lögu frá póli­tísk kjörn­um dóm­ur­um í Strass­borg með sömu aug­um og minni­hlut­inn gerði. Sem umboðslaust póli­tískt at,“ seg­ir Sig­ríður Á. And­er­sen þing­kona og fyrr­ver­andi dóms­málaráðherra í aðsendri grein sinni í Morg­un­blaðinu í morg­un.

Vís­ar Sig­ríður til dóms Mann­rétt­inda­dóm­stóls Evr­ópu frá því í mars, en dóm­ur­inn komst að þeirri niður­stöðu að dóm­ar­ar við Lands­rétt hefðu verið ólög­lega skipaðir og ís­lenska ríkið þar með gerst brot­legt við Mann­rétt­inda­sátt­mála Evr­ópu. Sagði Sig­ríður embætti sínu sem dóms­málaráðherra lausu í kjöl­farið.

Til­efni grein­ar Sig­ríðar er 90 ára af­mæli Sjálf­stæðis­flokks­ins og bein­ir hún skrif­um sín­um einn­ar helst að sjálf­stæði og full­veldi þjóðar­inn­ar.

„Með auknu mik­il­vægi alþjóðlegr­ar sam­vinnu á öll­um sviðum verður það að vera sér­stakt mark­mið stjórn­mála­manna að standa vörð um full­veldi og sjálf­stæði Íslands.

„Það er þannig að á meðan við ákveðum að deila lög­un­um þurf­um við að hafa sjálf­dæmi um hver lög­in eru og hver set­ur þau. Það er því gegn öll­um rök­um að sjálf­stæðir ein­stak­ling­ar í sjálf­stæðu ríki lúti fyr­ir­mæl­um annarra,“ seg­ir í grein­inni.

Sig­ríður seg­ir það hafa orðið sér sár von­brigði að sjá ís­lensk stjórn­mál, fjöl­miðla og rétt­ar­kerfið „falla á kné þegar er­lend nefnd sem ekk­ert umboð hef­ur frá sjálf­stæðum Íslend­ing­um gerði at­lögu að dóms­kerfi okk­ar Íslend­inga.“

„Aldrei áður í sögu lýðveld­is­ins höfðu hand­hafi fram­kvæmda­valds, hand­haf­ar lög­gjaf­ar­valds og hand­haf­ar dómsvalds á Íslandi, auk jafn­vel for­seta Íslands um­fram skyldu, fest nýja stofn­un í sessi með jafn af­ger­andi hætti. Lands­rétt­ur og dóm­ar­arn­ir fimmtán sem rétt­inn skipa hafa ein­stak­an stuðning þeirra er málið varðar.“

Tengd­ar frétt­ir

Lands­rétt­ur

Fara aft­ur fram á mann­dráp frek­ar en lík­ams­árás

• Eig­anda buy.is gert að greiða 258 millj­ón­ir
• Sex mál end­urupp­tek­in vegna Lands­rétt­ar­máls­ins
• Mál Guðmund­ar fyr­ir Lands­rétt á ný
• End­urupp­taka breyti ekki endi­lega niður­stöðunni

» Fleiri tengd­ar frétt­ir