Þinglok væntanlega á morgun

Þingfundur stóð yfir til klukkan 1:44 í nótt og hefst að nýju klukkan 10. Samið hefur verið um að þinglok verði væntanlega á morgun. Fyrsta mál á dagskrá Alþingis í dag er þingsályktunartillaga forsætisráðherra um frestun á fundum Alþingis til 28. ágúst. 

Frétt af mbl.is

Samkomulag um þinglok í höfn

Tillaga Katrínar Jakobsdóttur forsætisráðherra er eftirfarandi: Alþingi ályktar að veita samþykki til þess að fundum þingsins verði frestað frá 20. júní 2019 eða síðar, ef nauðsyn krefur, til 28. ágúst 2019. 

Dagskrá þingfundar: 

1. Frestun á fundum Alþingis, 994. mál, þingsályktunartillaga forsætisráðherra. — Ein umræða.
2. Fjármálaáætlun 2020–2024, 750. mál, þingsályktunartillaga fjármála- og efnahagsráðherra. — Síðari umræða.
3. Breyting á þingsályktun nr. 10/148 um fjármálastefnu 2018–2022, 953. mál, þingsályktunartillaga fjármála- og efnahagsráðherra. — Síðari umræða.

Hildur Sverrisdóttir og Óli Halldórsson tóku sæti á Alþingi síðdegis í gær sem varamenn fyrir Sigríði Á. Andersen og Bjarkeyju Olsen Gunnarsdóttur.

Tillögur fjárlaganefndar

• 1 blogg um fréttina

Bloggað um fréttina

• Páll Vilhjálmsson: Löskuð ríkisstjórn