Útilokar ekki þjóðaratkvæði um sæstreng
Setja bókamerki
Hugsanlega kæmi til greina að ákvörðun um lagningu sæstrengs fyrir rafmagn til Evrópu yrði lögð í þjóðaratkvæðagreiðslu. Þetta sagði Katrín Jakobsdóttir forsætisráðherra í þættinum Sprengisandi á Bylgjunni í morgun.
„Ég útiloka ekkert að þetta geti verið góð leið,“ sagði Katrín um hugmyndina um þjóðaratkvæði sem Haraldur Benediktsson, þingmaður Sjálfstæðisflokksins, lagði til nýverið. Forsætisráðherra sagði hins vegar mikilvægt að ákveðinn rammi væri í kringum þjóðaratkvæðagreiðslur og væri skýr. Katrín sagðist ekki hafa neina oftrú á slíkum atkvæðagreiðslum til þess að leysa allt.
„Þegar við viljum efla lýðræði í landinu þá er ég ekki endilega þeirrar skoðunar að þjóðaratkvæðagreiðslur séu alltaf rétta leiðin. Ég vil miklu frekar horfa til aðferða sem snúast um að almenningur geti haft áhrif á ákvarðanir á fyrri stigum. „Ég útiloka ekkert að það kunni að vera leiðin í þessu máli.“
Hraunið náð Njarðvíkuræð: Fylgjast með raflínu
Hraunið við bílastæði Bláa lónsins
Virknin dregist saman um 600 metra
„Erum í miðri hrinu“: Styttist í Eldvörp
Litlar líkur á að hraunið nái til mannvirkja
Yfir 300 stæði fóru undir hraun
Mæðgur dæmdar til að greiða 64 milljónir
Myndir: Grindavíkurvegur aftur undir hraun