Landsmenn rúmlega 360 þúsund

Fjöldi þeirra sem bjuggu á Íslandi í lok 2. ársfjórðungs var 360.390 manns samkvæmt nýjum tölum frá Hagstofunni. Þar af 184.810 karlar og 175.580 konur.

Landsmönnum fjölgaði um 1.610 á ársfjórðungnum, eða um 0,4%, segir í fréttatilkynningu. Á höfuðborgarsvæðinu bjuggu 230.360 manns en 130.030 utan þess.

Samtals fæddust 1.030 börn á Íslandi á ársfjórðungnum, en 530 einstaklingar létust. Á sama tíma fluttust 1.110 einstaklingar til landsins umfram brottflutta.

• 1 blogg um fréttina

Bloggað um fréttina

• Ómar Ragnarsson: Ísland borgríki; 76-24 raunverulegra hlutfall en 64-36?