Endurmeta birgðastöðu á lambahryggjum
Setja bókamerki
Kristján Þór Júlíusson, sjávarútvegs- og landbúnaðarráðherra, hefur óskað eftir því að ráðgjafanefnd um inn- og útflutning landbúnaðarvara endurmeti hvort þörf sé á því að opna tollkvóta á lambahryggjum í ljósi nýrra upplýsinga sem nefndinni bárust frá framleiðendum.
Þetta kemur fram í tilkynningu á vef Stjórnarráðsins. Ber nefndinni að skila niðurstöðu sinni fyrir lok vikunnar.
Frá því í vor hefur ráðgjafanefndin reglulega fengið tilkynningar um skort á lambahryggjum frá dreifingaraðilum. Nefndin fékk svo upplýsingar í byrjun síðustu viku sem bentu til þess að það stefndi í skort hjá stórum hluta framleiðenda sem ýmist voru búnir að tæma sínar birgðir, áttu lítið eftir eða gátu ekki annast dreifingu með góðum hætti.
„Til að tryggja framboð á vörunni til neytenda lagði nefndin til við ráðherra að felld yrði niður innflutningsvernd á lambahryggjum tímabundið, eða frá 29. júlí fram til 30. ágúst 2019. Áður en ráðherra tók afstöðu til tillögu nefndarinnar fékk nefndin upplýsingar um breytta birgðastöðu framleiðenda sem kunna að hafa áhrif á hvort lagaskilyrðum fyrir opnun tollkvóta sé fullnægt,“ segir í tilkynningu.
„Í ljósi þessa og með vísan til 65. gr. A. búvörulaga nr. 99/1993 hefur ráðherra óskað eftir því að nefndin taki málið aftur til afgreiðslu og ljúki yfirferðinni í þessari viku.“
Líklega komin á seinni hluta hrinunnar í Svartsengi
Yfir 300 stæði fóru undir hraun
„Má segja að þetta gos hafi þjófstartað“
/frimg/1/53/8/1530849.jpg)
Fatlaður drengur fær ekki þjónustu í verkfalli
Börn hafi engan rétt á leikskólakennslu
Maskína: Framsókn í fallbaráttu
Mjög alvarlegt ef Njarðvíkuræð gefur sig